ಬೆಳಗಾವಿ : ವೇಗವಾಗಿ ಬೆಳೆಯುತ್ತಿರುವ ಸೆಮಿಕಂಡಕ್ಟರ್ ಉದ್ಯಮಕ್ಕೆ ವಿದ್ಯಾರ್ಥಿಗಳನ್ನು ಸಿದ್ಧಗೊಳಿಸುವ ಬದ್ಧತೆಯನ್ನು ಮತ್ತಷ್ಟು ಬಲಪಡಿಸುವ ನಿಟ್ಟಿನಲ್ಲಿ, ಕೆಎಲ್ಎಸ್ ಗೋಗಟೆ ಇನ್ಸ್ಟಿಟ್ಯೂಟ್ ಆಫ್ ಟೆಕ್ನಾಲಜಿ (ಕೆಎಲ್ಎಸ್ ಜಿಐಟಿ), ಬೆಳಗಾವಿ, ಎಲೆಕ್ಟ್ರಾನಿಕ್ಸ್ ಮತ್ತು ಕಮ್ಯುನಿಕೇಶನ್ ಎಂಜಿನಿಯರಿಂಗ್ ವಿಭಾಗವು ಅನ್ಮಯಾ ಟೆಕ್ನಾಲಜೀಸ್ ಸಂಸ್ಥೆಯೊಂದಿಗೆ ಒಪ್ಪಂದ (MoU) ಮಾಡಿಕೊಂಡಿದೆ.
ಈ ಒಪ್ಪಂದವು ಸೆಮಿಕಂಡಕ್ಟರ್ ತಂತ್ರಜ್ಞಾನ, ವೈರ್ಲೆಸ್ ಕಮ್ಯುನಿಕೇಶನ್, ವಿಎಲ್ಎಸ್ಐ, ಎಂಬೆಡೆಡ್ ಸಿಸ್ಟಮ್ಸ್ ಮತ್ತು ಸಂಬಂಧಿತ ಕ್ಷೇತ್ರಗಳಲ್ಲಿ ವಿದ್ಯಾರ್ಥಿಗಳು ಹಾಗೂ ಅಧ್ಯಾಪಕರಿಗೆ ಅರ್ಥಪೂರ್ಣ ಅವಕಾಶಗಳನ್ನು ಕಲ್ಪಿಸುವ ಮೂಲಕ ಕೈಗಾರಿಕಾ-ಶೈಕ್ಷಣಿಕ ಸಹಯೋಗವನ್ನು ಬಲಪಡಿಸುವುದನ್ನು ಉದ್ದೇಶಿಸಿದೆ.
ಒಪ್ಪಂದದ ಪ್ರಮುಖ ಅಂಶಗಳು
ಅಧ್ಯಾಪಕರ ವಿನಿಮಯ ಕಾರ್ಯಕ್ರಮ
ವೈರ್ಲೆಸ್ ಕಮ್ಯುನಿಕೇಶನ್, ವಿಎಲ್ಎಸ್ಐ ಮತ್ತು ಎಂಬೆಡೆಡ್ ಸಿಸ್ಟಮ್ಸ್ನಲ್ಲಿ ಕೌಶಲ್ಯ ವೃದ್ಧಿ
ದೂರಸ್ಥ ಪ್ರಯೋಗಾಲಯ ಪ್ರವೇಶ ಮೂಲಕ ಅಧ್ಯಾಪನ ವಿಧಾನವನ್ನು ಸಮೃದ್ಧಗೊಳಿಸುವುದು ಮತ್ತು ಅನುಭವಾಧಾರಿತ ಕಲಿಕೆಯನ್ನು ಉತ್ತೇಜಿಸುವುದು
ವಿದ್ಯಾರ್ಥಿ ಇಂಟರ್ನ್ಶಿಪ್ಗಳು ಮತ್ತು ಕೈಗಾರಿಕಾ ಆಧಾರಿತ ಯೋಜನೆಗಳು
ವಾಸ್ತವಿಕ ಕೈಗಾರಿಕಾ ಉಪಯೋಗ ಪ್ರಕರಣಗಳ ಮೂಲಕ ಸಹಯೋಗಿ ಕಲಿಕೆ
ಈ ಸಹಭಾಗಿತ್ವವು ವಿದ್ಯಾರ್ಥಿಗಳಿಗೆ ಉದಯೋನ್ಮುಖ ತಂತ್ರಜ್ಞಾನಗಳು ಮತ್ತು ಆಧುನಿಕ ಎಂಜಿನಿಯರಿಂಗ್ ಅಭ್ಯಾಸಗಳ practically exposure ಒದಗಿಸುವ ಮೂಲಕ ಶೈಕ್ಷಣಿಕ ಕಲಿಕೆ ಮತ್ತು ಕೈಗಾರಿಕಾ ಅಗತ್ಯಗಳ ನಡುವಿನ ಅಂತರವನ್ನು ಕಡಿಮೆ ಮಾಡುವ ನಿರೀಕ್ಷೆಯಿದೆ.
ಒಪ್ಪಂದದ ಸಹಿ ಸಮಾರಂಭವು ಕೆಎಲ್ಎಸ್ ಜಿಐಟಿ ಪ್ರಾಂಶುಪಾಲರಾದ ಡಾ. ವಿಜಯ ಅಥವಲೆ, ಅನ್ಮಯಾ ಟೆಕ್ನಾಲಜೀಸ್ ಸಂಸ್ಥಾಪಕ ಮತ್ತು ಸಿಇಒ ಎನ್. ಜೆ. ಹರಿಪ್ರಸಾದ್, ಅನ್ಮಯಾ ಟೆಕ್ನಾಲಜೀಸ್ ಎಂಬೆಡೆಡ್ ಸಿಸ್ಟಮ್ಸ್ ನಿರ್ದೇಶಕರಾದ ಶ್ರೇಯಸ್ ಎನ್., ಎಲೆಕ್ಟ್ರಾನಿಕ್ಸ್ ಮತ್ತು ಕಮ್ಯುನಿಕೇಶನ್ ಎಂಜಿನಿಯರಿಂಗ್ ವಿಭಾಗದ ಮುಖ್ಯಸ್ಥರಾದ ಡಾ. ಉತ್ತಮ್ ದೇಶಪಾಂಡೆ, ಪ್ರೊಫೆಸರ್ ಡಾ. ಸುಪ್ರಿಯಾ ಶಾನಭಾಗ್ ಹಾಗೂ ವಿಭಾಗದ ಅಧ್ಯಾಪಕರ ಸಮ್ಮುಖದಲ್ಲಿ ನಡೆಯಿತು.
ಕೆಎಲ್ಎಸ್ ಜಿಐಟಿ, ಅನ್ಮಯಾ ಟೆಕ್ನಾಲಜೀಸ್ ಜೊತೆಗೆ ಭವಿಷ್ಯನಿರ್ಮಾಣದ ಇಂಜಿನಿಯರ್ಗಳನ್ನು ಸಬಲಗೊಳಿಸುವ ಮತ್ತು ಸೆಮಿಕಂಡಕ್ಟರ್ ಹಾಗೂ ಎಂಬೆಡೆಡ್ ಸಿಸ್ಟಮ್ಸ್ ಶಿಕ್ಷಣದಲ್ಲಿ ಶ್ರೇಷ್ಠತೆಯನ್ನು ಸಾಧಿಸುವ ಫಲಪ್ರದ ಹಾಗೂ ಪರಸ್ಪರ ಲಾಭದಾಯಕ ಸಹಭಾಗಿತ್ವವನ್ನು ನಿರೀಕ್ಷಿಸುತ್ತದೆ.
